નવી આધાર એપ વિશે સંપૂર્ણ માહિતી: આધાર કાર્ડ હવે તમારા મોબાઇલમાં!

યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) એ નવી ‘આધાર એપ’ લોન્ચ કરી છે, જે હવે તમારા આધાર કાર્ડને સ્માર્ટફોન પર ડિજિટલ ફોર્મેટમાં રાખવાની સુવિધા પૂરી પાડે છે. આ નવી એપ સુરક્ષા અને સુલભતાના સંદર્ભમાં ઘણાં નવા અને ઉપયોગી ફીચર્સ સાથે આવી છે.

Aadhaar FaceRD App Launched: લાંબા સમય સુધી રાહ જોયા પછી UIDAI એ ગુગલ પ્લે સ્ટોર પર તેની નવી આધાર એપ લોન્ચ કરી છે. તે હાલમાં અર્લી એક્સેસ વર્ઝનમાં એટલે કે હાલમાં ટેસ્ટીંગ ફેઝમાં છે પરંતુ એન્ડ્રોઇડ યુઝર્સ તેને ડાઉનલોડ કરીને તેનો ઉપયોગ શરૂ કરી શકે છે, પરંતુ આઇફોન યુઝર્સે તેના માટે વધુ રાહ જોવી પડશે. હવે પ્રશ્ન એ ઉભો થાય છે કે આ નવી આધાર એપમાં શું નવું અને ખાસ છે અને તેનો ઉપયોગ કેવી રીતે કરવો? તે જાણીએ.

મુખ્ય વિશેષતાઓ અને ફાયદાઓ:

• વધારેલી સુરક્ષા (Enhanced Security):
  • નવી એપમાં તમારા આધાર નંબર અને જન્મ તારીખની સુરક્ષામાં સુધારો કરવામાં આવ્યો છે.
  • તમારા આધાર કાર્ડની વિગતોમાં, જન્મ તારીખનું માત્ર વર્ષ અને આધાર નંબરના છેલ્લા ચાર અંકો જ દેખાશે.
  • બાયોમેટ્રિક લોકિંગ/અનલોકિંગ (Biometric Locking/Unlocking): યુઝર્સ હવે મોબાઈલ એપ દ્વારા પોતાના બાયોમેટ્રિક ડેટાને લોક કરી શકે છે, જે અનધિકૃત ઉપયોગ સામે રક્ષણ આપે છે.
• સરળ ઍક્સેસ અને પેપરલેસ અનુભવ (Easy Access & Paperless Experience):
  • હવે તમારે આધાર કાર્ડની હાર્ડ કોપી લઈને ફરવાની જરૂર નથી. એપ પર જ તમારું ડિજિટલ આધાર કાર્ડ માન્ય ગણાશે.
  • QR કોડ દ્વારા સરળતાથી વેરિફિકેશન અને શેરિંગ શક્ય બનશે.
• મલ્ટી-પ્રોફાઇલ મેનેજમેન્ટ (Multi-Profile Management):
  • એક જ રજિસ્ટર્ડ મોબાઇલ નંબર સાથે લિંક થયેલા પાંચ (5) આધાર પ્રોફાઇલને એક જ ઉપકરણ પર ઉમેરી શકાય છે. (જેથી પરિવારના સભ્યોના આધાર કાર્ડનું સંચાલન સરળ બને).
• ઑફલાઇન ઍક્સેસ (Offline Access):
  • પ્રારંભિક સેટઅપ પછી, તમે તમારા સેવ કરેલા આધારની વિગતોને ઇન્ટરનેટ કનેક્શન વિના પણ જોઈ શકો છો.
• વ્યવહાર ઇતિહાસ (Usage History):
  • આધારનો ઉપયોગ ક્યારે, ક્યાં અને કેવી રીતે થયો, તે ટ્રેક કરવા માટેનો એક્ટિવિટી લોગ સુરક્ષામાં વધારો કરે છે.

નવી આધાર એપ ગુગલ પ્લે સ્ટોર પર ઉપલબ્ધ છે. હાલમાં તે ડેવલપર વર્ઝનમાં છે પરંતુ એન્ડ્રોઇડ યુઝર્સ તેને ડાઉનલોડ કરીને તેનો ઉપયોગ શરૂ કરી શકે છે. iPhone યુઝર્સે આ માટે વધુ રાહ જોવી પડશે. નવી આધાર એપ દ્વારા, હવે કોઈપણ યુઝર પોતાની ઓળખ ડિજિટલી વેરિફાઇ કરાવી શકે છે.

નવી એપનો ઉપયોગ કરવા માટે, તમારે તેને તે જ મોબાઇલમાં ડાઉનલોડ કરવી જરૂરી છે જેમાં આધાર સાથે લિંક કરેલું સિમ કાર્ડ હાજર છે. તમારા ફોનમાં એપ ઇન્સ્ટોલ કર્યા પછી, તમારે તમારો આધાર નંબર દાખલ કરવો પડશે. આધાર સાથે લિંક કરેલા નંબર પર મળેલ OTP દાખલ કર્યા પછી, તમને ફેસ ઓથેન્ટિકેશનનો વિકલ્પ દેખાશે. ફેસ સ્કેન કર્યા પછી, તમને 6-અંકનો પિન સેટ કરવાનું કહેવામાં આવશે.