GSSSB ભરતી 2026: હેડ ક્લાર્ક, જુનિયર ક્લાર્ક અને અન્ય ૫૩૭૦ જગ્યાઓ માટે સુવર્ણ તક – જાણો સંપૂર્ણ માહિતી

ગુજરાત ગૌણ સેવા પસંદગી મંડળ (GSSSB), ગાંધીનગર દ્વારા વર્ગ-૩ (ગ્રુપ-A અને ગ્રુપ-B) ની કુલ ૫૩૭૦ જગ્યાઓ માટે સીધી ભરતીની જાહેરાત કરવામાં આવી છે. જો તમે સરકારી નોકરીની શોધમાં હોવ, તો આ તમારા માટે એક ઉત્તમ તક છે.

૧. જગ્યાઓની વિગત

આ ભરતીને મુખ્ય બે ગ્રુપમાં વહેંચવામાં આવી છે:

• ગ્રુપ-A (કુલ ૨૩૬૫ જગ્યાઓ): જેમાં સમાજ કલ્યાણ નિરીક્ષક, કાર્યાલય અધિક્ષક, હેડ ક્લાર્ક, સિનિયર ક્લાર્ક અને મહેસૂલી ક્લાર્કનો સમાવેશ થાય છે.

• ગ્રુપ-B (કુલ ૩૦૦૫ જગ્યાઓ): જેમાં વિવિધ ખાતાના વડાની કચેરી હેઠળ જુનિયર ક્લાર્કની જગ્યાઓ છે.

૨. અગત્યની તારીખો

• ઓનલાઇન અરજી શરૂ થવાની તારીખ: ૦૫/૦૨/૨૦૨૬ (બપોરે ૧૪:૦૦ કલાકથી).

• અરજી કરવાની છેલ્લી તારીખ: ૨૦/૦૨/૨૦૨૬ (રાત્રે ૨૩:૫૯ કલાક સુધી).

• ફી ભરવાની છેલ્લી તારીખ: ૨૩/૦૨/૨૦૨૬.

૩. શૈક્ષણિક લાયકાત અને વયમર્યાદા

• લાયકાત: ઉમેદવાર ભારતની માન્ય યુનિવર્સિટીમાંથી સ્નાતક (Graduate) હોવો જોઈએ અને કોમ્પ્યુટરનું પાયાનું જ્ઞાન ધરાવતો હોવો જોઈએ.

• વયમર્યાદા: ૨૦/૦૨/૨૦૨૬ ના રોજ ઉમેદવારની ઉંમર ૨૦ થી ૩૫ વર્ષ વચ્ચે હોવી જોઈએ. (અનામત વર્ગના ઉમેદવારોને નિયમ મુજબ છૂટછાટ મળવાપાત્ર છે) .

૪. પગાર ધોરણ (પ્રથમ ૫ વર્ષ ફિક્સ)

૫. પરીક્ષા પદ્ધતિ

પરીક્ષા બે તબક્કામાં લેવાશે:

1. પ્રાથમિક પરીક્ષા (CBRT): ૧૫૦ ગુણનું MCQ પેપર (સમય: ૧૨૦ મિનિટ). ખોટા જવાબ દીઠ ૦.૨૫ નેગેટિવ માર્કિંગ રહેશે.

2. મુખ્ય પરીક્ષા: ગ્રુપ-A માટે વર્ણનાત્મક (Descriptive) અને ગ્રુપ-B માટે MCQ પદ્ધતિ.

આ ભરતી માટે ઉમેદવારોને OJAS પોર્ટલ (https://ojas.gujarat.gov.in) મારફતે ઓનલાઈન અરજી કરવાની રહેશે. જાહેરાત મુજબ અરજી પ્રક્રિયા તા. 5 ફેબ્રુઆરી 2026થી શરૂ થશે અને તા. 20 ફેબ્રુઆરી 2026 સુધી અરજી કરી શકાશે. પરીક્ષાની સમગ્ર પ્રક્રિયા સંયુક્ત સ્પર્ધાત્મક પરીક્ષા આધારે લેવામાં આવશે.

ભરતીને લઈને શૈક્ષણિક લાયકાત, વયમર્યાદા, પરીક્ષા પદ્ધતિ તથા અન્ય વિગતવાર માહિતી માટે ઉમેદવારોને GSSSBની અધિકૃત વેબસાઈટ (https://gsssb.gujarat.gov.in) પર જાહેરાત વાંચવાની સૂચના આપવામાં આવી છે. રાજ્યના યુવાઓ માટે સરકારી નોકરી મેળવવાની આ મોટી તક માનવામાં આવી રહી છે.

મહત્વની લિંક્સ

5370 જગ્યા પર ભરતીની વિભાગો વાઈઝ જાહેરાત જોવા લીંક પર ક્લિક કરો

વારંવાર પૂછાતા પ્રશ્નો (FAQ)

૧. શું ફાઈનલ યરમાં ભણતા વિદ્યાર્થીઓ અરજી કરી શકે?

ના, સામાન્ય રીતે અરજી કરવાની છેલ્લી તારીખ સુધીમાં તમારી પાસે ગ્રેજ્યુએશન પૂરું થયાની માર્કશીટ હોવી જોઈએ.

૨. ગ્રુપ-A અને ગ્રુપ-B માટે અલગ-અલગ ફોર્મ ભરવા પડશે?

ના, આ એક સંયુક્ત પરીક્ષા (Combined Exam) છે, તેથી તમારે એક જ ફોર્મ ભરવાનું રહેશે અને તેમાં તમે બંને ગ્રુપ માટે પસંદગી આપી શકો છો.

૩. ફી પરત (Refund) મળે છે?

હા, જો તમે પરીક્ષામાં હાજર રહો છો, તો સરકારના નિયમ મુજબ ફી તમારા બેંક ખાતામાં પરત કરવામાં આવે છે.

૪. શું નોન-ક્રિમિલેયર સર્ટિફિકેટ નવું કઢાવવું પડશે?

જાહેરાતમાં જણાવ્યા મુજબના સમયગાળાનું માન્ય સર્ટિફિકેટ તમારી પાસે હોવું જોઈએ.